Ourense-Os Peares (GR56)

PROXECTO COÑECE 2010

Coñece 10

O Club Alpino Ourensán, en colaboración co Consello Municipal de Deportes de Ourense, pon de novo en marcha o “Proxecto Coñece” que se presenta como unha oportunidade para todos, socios e non socios, de probar e practicar algunha das modalidades deportivas que teñen cabida na programación anual da entidade.

1 de maio

SENDEIRISMO I - GR56

Tramo Ourense-Os Peares

Percorrido sendeirista sinxelo partindo da cidade seguindo o novo tramo do sendeiro GR56, e que aproveitamos para inaugurar, que comeza en Oira e remata en Os Peares. Un percorrido de case 20 quilómetros con escaso desnivel e que progresa o lado do rio Miño.Volta en tren dende Os Peares.

Os datos

Data: 1 de maio

Hora: As 09:30 dende a Aula da Natureza de Oira

Material: Mochila, comida e líquidos, gorro, gafas de sol, roupa axeitada...

Mais información no local social do club

Outras actividades Coñece 2010

8 e 9 de maio

MONTAÑA Vivac en Trevinca

Actividade do Coñece 10 adicada a facer unha aproximación o mundo da montaña en xeral e para iso visitarmos as montañas mais altas da nosa comunidade, O macizo de Trevinca no límite con León e Zamora.

23 de maio

BTT-ORIENTACIÓN

Ourense-Monte Meda

Percorrido en bicicleta de montaña mesturado coa procura de balizas agachadas no percorrido mediante mapa e buxola.

29 de maio

SENDEIRISMO II-Ruta dos Castros

Ruta sinxela nos arredores de Ourense visitando os concellos de San Ciprián das Viñas e Barbadás pasando por Sobrado, Bentraces ou Loiro. Un percorrido de case 20 Km. Para facer nunhas 6 horas e con pouco desnivel acumulado.

12 de xuño

ESPELEOLOXÍA Cova Alfarero. O Barco

Actividade do "Proxecto Coñece 10" na que nos iniciamos na exploración das cavidades soterradas. Visitamos a zona de O Barco de Valdeorras para explorar a cova "Alfarero" perto de o pobo de Covas. A cova do Alfarero é unha cova de distribución horizontal polo que non é preciso ter coñecementos previos desta modalidade deportiva e resulta apta para todas as edades.

20 de xuño

ESCALADA Canón do Sil

Actividade básica de escalada na escola de escalada “Canón do Sil” sita no lugar do que toma o nome e na que podemos atopar "vías" de escalada de variada dificultade que nos permitiràn iniciarnos nesta modalidade deportiva progresando en vertical en vías de graduación de dificultade de menor a maior.

NOTA: O calendario de actividades estará suxeito a modificacións en función da climatoloxía ou calquera outra incidencia. Os cambios serán comunicados con antelación suficente.