Gredos

Xélida fin de semana a que escollemos para ascender ó Almanzor. Dez horiñas de actividade para coronar o excelente mirador de Gredos pola súa vía normal, a da Portilla do Crampón. Foi preciso tirar de frontal para regresar polo interminable camiño empedrado e voltar ó cálido e agradable albergue que nos acolleu na breve visita ás terras de Ávila.
O domingo aínda nos achegamos a Galayos para ollar -intentalo polo menos- os impoñentes torreóns desta vertente da serra.